قلطة ..

[مصلح القره]

سلام ردية وفاء شيب بها الطفل الرضيع​

تسليمه أحلى مالعسل والنار من شبابهـا​

ـــــــــــــــــــــــــــــــــــــــــــــــــــــــــــــ​

الناس تتزاحم هذا الايام في سوق القريع​

قولوا لنا ويش العمـل والنـار من شبابها​

 

[بن عايد]

يامرحبا واهلين والخاطر يابن قره وسيع
ياشاعرن ندري عنه والنار من شبابها
ــــــــــــــــــــــــــــــــــــــــــــــــــــــــــــــ
اللي حصل فالسوق سبة قوم جونا من سبيع
يبغون رنيه عندنا والنار من شبابها

 

[مصلح القره]

مع الدروب المظلمه ركز ولايمكن تضيع​

الدرب واضح يا بطل والنار مـن شبابهـا​

ــــــــــــــــــــــــــــــــــــــــــــــــــــــــــــ​

إن كان لك نية تسابقنا مع الخط السريع​

لازم تتدرب للمثــل والنــار مــن شبابهـا​

 

[بن عايد]

بيجيك علم السوق ونقلدك بالسيف البريع
ونقول هذا سيفنا والنار من شبابها

ــــــــــــــــــــــــــــــــــــــــــــــــــــــــــــ

ون كان ابو براد مايبغى يكن شاهي ربيع
كبيت انا برادها والنار من شبابها

ــــــــــــــــــــــــــــــــــــــــــــــــــــــــ

 

[مصلح القره]

يالله يارب السماء يالواحد الفرد السميـع​

إنك تصحي من غفل والنار مـن شبابهـا​

ــــــــــــــــــــــــــــــــــــــــــــــــــــــــــ​

الذيب يمكن لا هجم يهلك بهجماته قطيع​

الله يا كـم قد قتل والنـار مــن شبابهـــا​

 

[ابن دبلان]

يامرحبا واهلين والخاطر يابن قره وسيع
ياشاعرن ندري عنه والنار من شبابها
ــــــــــــــــــــــــــــــــــــــــــــــــــــــــــــــ
اللي حصل فالسوق سبة قوم جونا من سبيع
يبغون رنيه عندنا والنار من شبابها

صح لسان الشاعر القدير مصلح القره
وصح لسانك يابن عايد
ولاكن الشطر الثاني يابن عايد من البيت الثاني على قافيه مرسومه من الشاعر مصلح ويجب عليك التقيّد بها, وعدم إلتزامك بالقافيه خطأ كبير ويحسب عليك وأنت الآن في منتدى والوضع بسيط, يعني لو حصل منك مثل هذا الخطأ في ملعبه وأمام جماهير لكان هذا الموقف نقطه سوداء في مسيرتك الشعريه.

لكما مني خالص التقدير والحب والإحترام...
ابن دبلان​

 

[بن عايد]

صح لسان الشاعر القدير مصلح القره

وصح لسانك يابن عايد
ولاكن الشطر الثاني يابن عايد من البيت الثاني على قافيه مرسومه من الشاعر مصلح ويجب عليك التقيّد بها, وعدم إلتزامك بالقافيه خطأ كبير ويحسب عليك وأنت الآن في منتدى والوضع بسيط, يعني لو حصل منك مثل هذا الخطأ في ملعبه وأمام جماهير لكان هذا الموقف نقطه سوداء في مسيرتك الشعريه.​

لكما مني خالص التقدير والحب والإحترام...

ابن دبلان​

كلامك ميه فالميه سليم وانا اقبل النقد والتوجيه ولا هو عيب واشكرك على التنبيه واعذرني ترى القلطه ماخضت طروقها كثيرا

 

[مصلح القره]

صح لسان الشاعر القدير مصلح القره

وصح لسانك يابن عايد
ولاكن الشطر الثاني يابن عايد من البيت الثاني على قافيه مرسومه من الشاعر مصلح ويجب عليك التقيّد بها, وعدم إلتزامك بالقافيه خطأ كبير ويحسب عليك وأنت الآن في منتدى والوضع بسيط, يعني لو حصل منك مثل هذا الخطأ في ملعبه وأمام جماهير لكان هذا الموقف نقطه سوداء في مسيرتك الشعريه.​

لكما مني خالص التقدير والحب والإحترام...

ابن دبلان​

صح بدنك والوضع عادي وأنا أخوك وبن عايد شاعر ما يحتاج ....

 

[بن عايد]

الحمد لله بعد مافتانا بفتوى بن منيع
شي(ن) محرّم ماحلل والنار من شبابها

ــــــــــــــــــــــــــــــــــــــــــــــــــــــــــــ

ترى الحيا ميزه وانا لي درب يامصلح سنيع
والرجل زينته العقل والنار من شبابها

 

[مصلح القره]

دوبه ظهر نور القمر ياهل الحكم واضح سطيع​

والتمر في روس النخــل والنــار مــن شبابهــا ​

ـــــــــــــــــــــــــــــــــــــــــــــــــــــــــــــــــــــ​

بعض البشـر يسرع وسوى فالبلد حادث شنيع​

هذي نتيجـة من جهــل والنــار مــن شبابهـــا ​

 

[بن عايد]

التمر بانواعه يجد فالسوق شروات(ن) وبيع
والناس تنظر للشكل والنار من شبابها

ــــــــــــــــــــــــــــــــــــــــــــــــــــــــــــــــــــــــ

ليت المرور مفهّم المسرع قبل يلقى قريع
ان كان يمشي بالمهل والنار من شبابها

 

[مصلح القره]

انحن سمعنا الحكمه إلي جت من إبداع البديع​

مــا للحمـول إلا جمــل والنـــار مــن شبابهـا ​

ـــــــــــــــــــــــــــــــــــــــــــــــــــــــــــــــــــــ​

أنــا معـي رخصــه عموميــه بها ختـم الوقيـع​

كــلام مــا يبغى جـــدل والنـــار مــن شبابهـا​

 

[بن عايد]

انا نويت اروح للمقناص واطلع راس ريع
ولا اضوي الا بالحجل والنار من شبابها

ــــــــــــــــــــــــــــــــــــــــــــــــــــــ

رخصتك مطبوعه وعندك واسطه في كل سيع
وانا بقانون العدل والنار من شبابها

 

[مصلح القره]

عزمت نطلـع للوبر ويصيـر للرميـه وقيع​

بالنيمسي رميــة نقـل والنار من شبابهـا​

ـــــــــــــــــــــــــــــــــــــــــــــــــــــــــــ​

الواسطه شياً مهم وتخلي العاصي مطيع​

والقــره أثقــل مالجبل والنار من شبابها​

 

[المشرفي _ أبو علي]

لله درك يامصلح,, أنا أشهد أنك داهيه
صح لسانك وصح لسان الشاعر القدير بن عايد على هذي المراديد اللي تجمل

 

[مصلح القره]

لله درك يامصلح,, أنا أشهد أنك داهيه
وصح لسان الشاعر القدير بن عايد على هذي المراديد اللي تجمل

تسلم يالمشرفي وصح بدنك والله يعطيك العافية على المرور والتعليق ....

 

[بن عايد]

ونعم ياراع النيمسي وعلومكم جتنا بذيع
والعلم به زود(ن) وقل والنار من شبابها

ــــــــــــــــــــــــــــــــــــــــــــــــــــــــــــــــــــــــــ

الواسطه تنفع بعض الاحيان لكنها تضيع
لا كان مالقيت محل والنار من شبابها

 

[مصلح القره]

أظن حملّت الجمل ذا الليــل مـالا يستطيـع​

الحمل جاير والثقل والنــار مــن شبابهــا​

ــــــــــــــــــــــــــــــــــــــــــــــــــــــــــــــ​

الرزق شياً منكتب وأنــا فـي أرزاقـي قنيـع​

ما بعترض باللي حصل والنار من شبابها​

 

[بن عايد]

هيهات ذاك العود يهدر مالثقيلات ويريع
ماكنّه شال الا رطل والنار من شبابها

ـــــــــــــــــــــــــــــــــــــــــــــــــــــــــ

والله ماحسد ولد عمي عالدقايق والسويع
وانا بن عايد لي قبل والنار من شبابها

 

[مصلح القره]

إلـي ظمي ما حد يورّد به على مــاي النقيــع​

يـورد على صافــي النهــل والنار من شبابها​

ــــــــــــــــــــــــــــــــــــــــــــــــــــــــــــــــــ​

رحت أعزم الاجناب في داري وشرفنا الجميع​

فتحــــت بابــاً منقفــل والنــار مــن شبابهـــا​