وانت من اهله يابو غازي
وماجاء منك قصور ابيض وجهه
اشكرك واشكر كل الاخوان الذين تابعونا
وشاركونا وعلى رااااسهم اخوي محمد ابو خير
واقوله بيض الله وجهك يابو عبدالرحمن .
هذي تمارين وبروفـات وديـه=ماكل الايام يا بن الناس ورديـه
لازم تذوق التمارين السويديـه=والله يديم الامن بارض السعوديه
وقت الخطر لا تجيبون العلوم اخماس وسداس=تـرى الخفيفـه لهلهـا والثقيلـه لثقـالـي
ان جالها شعله ودخان نطفيهـا=والنار ما تحرق الا من ينط فيها
وعلومنا بينه ما جا الغلط فيهـا=والله يديم الامن بارض السعوديه
لنكان عينك يا بو غازي دخلها نوم ونعاس=ما عاد يبقى معك في الوقت حيله وحتيالي
حنا هل المعركه والحرب والبنـدق=وطبلة الحرب للـي دقهـا بنـدق
علم بها اللي يحب النوم في الفندق=والله يديم الامن يا رض السعوديه
العاقل اللي يقٌيس للعلـوم ابكـل مقيـاس=ويعرف الوقت وش لون الغروبي والزوالي
نعمين يامكرمين الضيف والعانـي=والعلم يعناك ياصاحـب ويعنانـي
ما في العرب واحد يا لذيب جاباني=والله يديم الامن با رض السعوديه
المسلم اللي يصلي كل ماذن في بن عباس=ما عنده اخلاف لو هبت صبا ولا عوالـي
انته من ارجال اهل وقفات مشهوره=لا دندن الحرب ماهي لعبة الكـوره
وشلون لا شفتها بالصوت والصوره=والله يديم الامن بارض السعوديـه
النار انا شوفها تقبس يابو غازي بمقباس=ونته تناضر لهامرتاح في وسط الظلالي
ماهي غريبه لو اتنشد عن احوالك=الجو ياجعله يصفالي ويصفالك
ولاهي غريبه لو انشد عنك واسالك=والله يديم الامن با رض السعوديه
يا صاحبي مرحبا مليون ابك والوضع حساس=الوضع حساس وش رايك يابو زيد الهلالـي