جريح الفؤاد
فؤاد بن هليل المالكي
الإنسكاب
[poem=font=",7,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
إيه هاتي من شعورك واسكبي = في ضميري شي يهوى الإنسكاب
لا غدى شِعرك معَتّق مشربي = وارتشفته نخب من كاس الشراب
غَيّبيني سُكْرْ.. وادني واقربي = وسّعي صدري كفاني لـ اكتئاب
كم ظلمني البخت واجْبَر كوكبي = يَظْهِر العَتْمه وهو مثل الشهاب
للجروح ارواح حاديها غبي = لا وفا معها ولا شد الركاب
ما بقى الا ما توطّت منكبي = ثورتن للياس تعْصِف بالرقاب
بعدها يابنت خوذي اللي تبي = دام عشقك ماكنن وسط الشِغَاب
كوني انتي الريح لا ابْحَر مركبي = وانتي المرسى متى طال الغياب
صِيري انسام المسا لا مَرّ بي = واروع انفاس الفجر لا اقّبل .. وهاب
وانتي .. انتي الشمس لا جا مغربي = وانتي القمرا على روس الهضاب
اخطفيني شوق واسبيني سبي = وانثريني عطر فـ كفوف الخِضاب
واملكيني طفل بـ احضانك رَبي = ما يبي غيرك ولا يصبح شباب
با دليني الحب بالحب الأبي = وان شكيتك جور زيديني عذاب
واشبَعيني طعن .. فيما تكتبي = كل همسه منك في جوفي حِرَاب
وان طلبتك شي لبّي مطلبي = بعد ما وَبّلْ الرضا يملا السحاب
وان فرحتي غرري بي واهربي = بـ الحقك لو ردني مليون باب
وازعلي فيني وشوشي واغضبي = قوّمي الدنيا .. لجل يحلا العتاب
وان نويت الهجر .. صلي ع النبي = لذة السَكْرَه .. ولا فِكّره .. هباب
[/poem]
همسة ( زيديني عشقاً زيديني يا أحلا نوبات جنوني ...)
مع أرق تحية / أبو الدانة