ابوطلال
Member
- إنضم
- 11 ديسمبر 2009
- المشاركات
- 147
- مستوى التفاعل
- 3
- النقاط
- 18
قالو الشعر وهبه قلت انا له مزار
ابني القاف وارسم شط بحره حروف
المعاني تجيني لول داخل محار
والصور عن شعر غيري تراها عزوف
ان تغنيت في ليلي طربت المدار
وان توشحت شعري خصمي يكسيه خوف
كل شيطان يرجي مدرجي له مطار
وان امرته عطاني من بحوره صنوف
انثر الشعر وازرع به سهول وقفار
ينبت النظم والقلطه وشقر الصفوف
فيه مدح النشاما والهجاء والفخار
والغزل صار من يكتب لشعري يحوف
في بلادي بنيت القاف سر وجهار
والمنابر نصتني شعر يحيي الكفوف
كم تمايل على شعري خصوراً ضمار
وكم تغنى بقافي من لعوباً هنوف
كاسي الشعر واحلامي لغيري كبار
واطلب المستحيل اللي بودي يطوف
منهجي سنة الشافع بيوم الحصار
ابن خامس ولد خامس خصاله قطوف
جدي الشهم مورث كل علم وقار
مكرم الضيف فارش له حريراً وصوف
من نخانا لقينا دون نيله جدار
نوقف الزحف لو جانا ولا احنا ضعوف
لابتي صار مبداها لكلاً شعار
حن بني مالك اللي مرهفين السيوف
الوفاء طبعنا والطيب في كل دار
نشتري من شرانا بالالوف الالوف
هذا انا ابن الكرام اللي على القاف جار
شاعراً ما يبالي رغم كل الانوف
ارمدي يا عيون الحسد جعلك بنار
نعرف اللي يبينا ونعرف اللي يعوف
اااانا شمساً على كل المدن والديار
والخفافيش مكمنها بجوف الكهوف
ما رمي فالشجر الا كثير الثمار
والكسر لو حصل ما نجبره بالحسوف
هذا ما جال في صدري وما صار صار
والمعاني لمن هي له ببطن الظروف
احمد الله حباني نعمة ما تجار
واطلبه جل سبحانه بحالي يروف
واختم اللي بديته بالصلاة عالمنار
احمد المصطفى اللي بحبه شغوف
الشاعر / حميد المالكي