أبو مهند
مراقب المنتديات الشعرية
الشعر فكره والمشــــــــــــاعر لها ساس
وميت الإحســــــــــــــاس مشلول فكره
والقافية والوزن منبر ونبــــــــــــــــــراس
من صابها ما هو على النــــــــــاس نكره
بعض الشــــعر حبراً على أوراق قرطاس
وبعض الشــعر يمـــــــــظ°ــوت ما بان بكره
وبعض الشعر يعيــــــش دومٍ مع الناس
والشـــــــــــــــــاعر المبدع يخلده ذكره
احيان اشــــــــــوفه اشقر الريش قرناس
صيده جميل القــــــــــول والصدر وكره
واحيان اشــــــوفه قصر من دون حراس
واحيان اشـــــــــوفه سيف للموت سكره
واحيان اشـــــــوفه ليل هادي ونسناس
يبشّر الاحســـــــــــــــــــاس بقدوم فكره
ان وظفت في خير يا طيب الانفــــــاس
و لّا فلّا الشاعر على الشعـــــــــــــر مكره
وارجع اقول الشعر هو نبض الاحساس
من حق من يبدع على الناس شـــــــــكره
التعديل الأخير: