الهواجيس

حسين المعنى

شــاعــر
إنضم
15 أغسطس 2010
المشاركات
431
مستوى التفاعل
9
النقاط
18
البارحه ليلي طوته الهواجيس
انفك من هوجاس واوقع بهوجاس​

والحزن في قلبي يدق المراويس
=وجلس يغني لي على كل مرواس​

من شان حملن مايشيله ولو نيس
=وقع على راسي وانا منه منحاس​

سريت ليلي كله الف واهيس
=هيس بقلبي والعقل هاس به هاس​

بسباب بكره ماكماها من العيس
=خذت خفوقي والمشاعر والاحساس​

ومشرى البكار الزينه ضمن النواميس
=اكبر شرف لاخذتها لي ونوماس​

عديت فيها حب عنتر على قيس
=واغليتها اكثر من غلا الجن والناس​

عيونها نجلا وكحلن نواعيس
=والرمش ريش جناح والجف نعاس​

وردن تنما خدها برض باريس
=وحجانها خطت قلم فوق قرطاس​

والانف سلت سيف موزون بالقيس
=وسنونها مثل البرد صف مقياس​

واما الشفايف تاخذ العقل ونهيس
=كأنها شمس اغربت بعد هياس​

وفمها خاتم سليمان يدريس
=وعنقها عنق الغزاله من الماس​

وشعرها ليلن يضيع به ابليس
=لو ماعليها ثوب حسبته الباس​

ولسانها احلا م لسان السناعيس
=سبحان من ميزه عن باقي الناس​

وثوبها بينشق من رزت (ال يس)
=وبطنها قوم التعاسه والفلاس​

وخصرها اضيق من مكان النواديس
=وغيرها يصعب على الوصف ياناس​

مكانها من غير حجم ومقايس
=الا اذا ان البحر يوزن وينقاس​

يفدالها عمري وماداخل الكيس
=ويفدالها جسمي من الراس لساس​

دروبها قدام عيني دواعيس
=خطيت دربن ماخطاء فيه دعاس​

وقعت موقع ماتقعه القرى نيس
=يصعب على شيهان والحر قرناس​

واليوم وحدي بالخلا مالي ونيس
=واللي فقد غالي فلا هو بوناس​

والدار لا راحو هله يوحش إيخيس
=معروفن الهم والروايا ليا خاس​

يروح نهبه لضعوف الخساخيس
=ويضلم بعد ماكان منور بنبراس​

يروح حتى من هبوب النسانيس
=ويحقله لو راح في يد نسناس​

مادام ربعه روحو دون اعاسيس
=يستاهل اللي له على الدوم عساس​

واما ديار الزين تبقى كوابيس
=حرام غير الحق ماعاد تنداس​

تبقى بها اشعور الغلا والاحاسيس
=وقدرها يبقى عزيزن على الراس​

بصبر على دنياي لو هي تواعيس
=واصبر على مر الليالي والاتعاس​

واشكي همومي بالحبر عالقراطيس
=واقول ياقلبن تعذبت لا باس​

باعوضك ياقلب ووعدك بعريس
=عريس تنور فوقه اشموع واكباس​

ويقول لي بالله تعوذ من ابليس
=وآقلب الاوجاع وتضيق الانفاس​

ماعاد ينفع فيه نصح وتدريس
=حتى لو اعطيه النصايح والادراس​

متأبدن بسجن ضمن المحابيس
=سجن الغلا ماغيره الشر والباس​

رغم الجفا والبعد ماصابه الييس
=ولا بعد شاعر ببعده ولا حاس​

اقول ماهو اكويس ويقول لي اكويس
=ويقول يوسف رد لهله بعد ياس​

واقول باقي اتحبه ايقول لي يس=
وقعد يهل الدمع لين قلت له ياس​

[/poem]
 
التعديل الأخير:

البدوية

Well-Known Member
إنضم
16 أبريل 2010
المشاركات
5,167
مستوى التفاعل
720
النقاط
113
العمر
36
الإقامة
بين هلي وناسي
صح لسانك ويسلمووووووووووووووو على هذا الإبداع والله يعين كل عاشق على ليله
 
أعلى