تاج القلوب
Well-Known Member
بعد غيبه جيت واشواقي تطـوف شوق راع الودٌُ في عصـر الوفـا
جيت والغيت المصاعب والظروف واتمنـى القـاف يشـرح ماخفـا
من غلاكم ترتعش كلٌُ الحـروف كل حرفٍ-ن-فـي مودتكـم لفـا
كلٌها صارت من الفرحه وقـوف في رضاكم كـل مافينـي صفـا
اي نعم:فيني من الغيبـه كسـوف خايفٍ -ن-لا تتهمونـي بالجفـا
اوتقولـوا حدٌُتـه ذيـك الهنـوف واجهتنـا - لجلها-صـارت قفـا
ودٌُي احلف والهوى مابه حلـوف والقلوب اشهـود- جفنـي ماغفـا
قبل يطوي داخل النون الكشـوف واعرف انٌ الكل بعيونـي ضفـا
قدركم فوق القوافـي والوصـوف كل وصفٍ -ن-في خيالي ماكفـا
حيلتي في ماجرى ضرب الكفوف يشهـد الواقـع وحالـي مانـفـا
يامتى الدنيـا ومافيهـا تـروف في غريقٍ -ن-فوق مجدافه طفـا
بين ياسه والامل رجوى وخـوف لابلغ موتـه ولا خصمـه عفـا
التعديل الأخير: