ديوان الشاعر : [ فؤاد بن هليل المالكي - (جريح الفؤاد) ] ..!!

[جريح الفؤاد]

[frame="9 90"]


[/frame][frame="9 90"]

​

يسرني .. ويشرفني أن أضع بين أيديكم ديواني المتواضع (( أشلاء منثورة ))​

آملاً أن يروق لكم جميعاً
فــ
​

http://up.arjwan.com/​

و
​

ـــ طبعاً .. لا أدعي الكمال هنا .. ولكنني أيضاً أثق فيما أقدّم ولا يعني هذا أنني لاأقبل النصح والتوجيه للأفضل ، بل على العكس ،، فهذا من دواعي سروري ..
ـــ أيضا .. ليس من الضروري أن تكون كل القصائد بنفس القوة في مضمونها وإيحاءاتها فلكل مقامٍ مقال ..
ـــ (همسة ).. كل الشكر للقائمين على هذا الكيان الشامخ
http://up.arjwan.com/​

محبكم ... جريح الفؤاد .. أبو دانة
[/frame]

 

[جريح الفؤاد]

اشلاء منثورة​

[poem=font=",7,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]

كفى تغريب يا غربه بلا مرسى ولا مجداف = كفى ضاعت سنين العمر بين اشلاء منثورة
انا اليائس وانا البائس انا المذنب بدون اجحاف = انا من علم الفرحه تموت بروح مقهوره
انا ذاك اليتيم اللي كسر خبز الحياة الحاف = انا بلسم حياة الضيم بس لي نفس مكسوره
انا هامش فها الدنيا يدي مقطوعة الاطراف = احرضها تمد الكف واثر الكف مبتوره
انا وجه النهار الغث لا كثّر معي الاسفاف = انا صمت القبور الهاجعه باجساد مقبوره
انا خطوه على خطوه تضيع وغيرها ينشاف = على خدن غزاه العج مدري الجن بحضوره
انا شمعه بوجه الريح .. انا عالم من الاسراف = انا طيبه بها قسوه .. سماحه بس مهجوره
انا سكة سفر طالت ولا بين لها مشراف = عسى الماضي بها يقبِل ولو طالت به الدوره
انا شاعر نزف جرحي عذاب وسطوة استنزاف = ليا صرّ القلم كنه يبوح بآه مغموره
ورى حدب الضلوع اتروع ما تقبل حلول انصاف = مع جرّ النسم مبحوح ميت وسط حنجوره
الا يا ملتهي فيني وتحسبني طري اشفاف = تغنّى في مواويلي بمسحوبه ومجروره
تراني مثل ما قد قلت ما تسعفني الاكتاف = عليها مثل راسي الرجم منهيه ومأموره
تلاعِب روحي الدنيا وتنزعها على خطاف = ينوش الكبد والعله بوسط القلب محفوره
تخيلني مع الغربه بلا مرسى ولا مجداف = تخيّل كيف ضاع العمر بين اشلاء منثوره [/poem]

 

[جريح الفؤاد]

[poem="font="simplified arabic,5,white,normal,normal" bkcolor="transparent" bkimage="./images/backgrounds/60.gif" border="none,4,gray" type=2 line=0 align=center use=ex num="0,black""]همس ليل البارحه فاذان تسمع ما تبي = غير شمس الصبح تطلع شارقه لاحبابها
وانت يا ليل التوجس حل ما شي يختبي= دام دقات الخفوق دروعها وحرابها
جر خطوك يا السواد وسوق لو رحت اتحبي = والله اني غير احط ارقاب تحت اكعابها
الملاك اللي سناها ما يغطى بالعبي = وهرجة الحساد فيها ما تهز اجنابها
لا قبلت كن التغنج ذايبن في مرحبي = وكن حتى الخطوه اللي جت تشيل اعصابها
امن الوريد اليا الوريد احساسها يدبي دبي= لا فضحها الطرف الاكحل تحت ستر نقابها
الهنوف اللي غدت لي شمس ساعة مغربي = لا اسرجت خيلي وجيت امدورن لركابها
مع خطوط الشوق تهت وضاع حتى مذهبي = كل ما جودت خيط يردني لغيابها
وان طريت ابعادها جتني وهي تسبي سبي = كن ما للبعد ذكر ولا قدرت اعتابها
لا طوتني طي حي وصرت جاثم لركبي = بين ضمة عشق فاقت فوق قبل اغشى بها
كن للقلبين صدر ونبض يتعب لتعبي = وكن ما في الكون غيري في بحور اهدابها
اذكر اني قلت مره يا دفى حبي الابي = وش نهاية قصتي بك قبل فتح اكتابها
وجاوبتني وفي وجنها بان غاية مطلبي = ما لقصتنا نهايه لو نعيش اغرابها
لا تفكر يوم تبعد وانت تامر .. وش تبي = قلت ما بي غير وصلك لو قطعت ارقابها
ناس ما تخجل دماها تقبل ابهرجة غبي = وان بدت شمس الحقيقه عودت لاشنابها
مع ارق تحيه للجميع
جريح الفؤاد [/poem]

 

[جريح الفؤاد]

​

​

دار السعودي


الأرض خضرا والعلـــــــــــــم زكّاها
لا ضم سيــــــــف العدل بين اركونه
دار السعـــــــودي نعم من سمــــاها
زعيمها اللي حطهــــــا بعيــــــــونه



من يوم صبّحـــــــــــها واخذ يمناها
جت له تطــــــــــاوع شدتـه وليونه
صاح المنادي كلنا بحمـــاهـــــــــــا
واللي يـــــــبي الفتنه يشد اضعونه


الدار قامت والهـــــدى يرعاهــــا
بكتاب حــــق وسنتــــــــن مسنونه
ارثن تساما للعـــــلا وارواهــــــا
دم وعرق بجـــــــذورها المدفونه


ما مات مـــــن ورّث جبال اعلاهــا
سارت على نهـــــجه وفي قانونه
سعـــــــود مع فيصل وخالد جاها
اجيال تتابــــــــع وهي مصيونــــه


قالت فهـــــــــــد والفهد ما خلاها
عاشت بعهــــــــــده فاتنه مزيونه
واليوم تفــــــرح والفرح غطّاهــــــا
بقدوم ابو متـــــــعب وهي مفتونه


القايـــــد اللي عزهـــــــا واغلاها
واقبل على شعبــــــه وهم يغلونه
مليكنا اللي كلمتـــــــــــه نرضاها
نصير مكســـــــــور الجناح وعونه


صقر العروبه لا دعت لبـــــــــــاها
تلقاه حر ابعقلـــــــه و مضــــمونه
من جاه يطلب حاجته يلــــــقاهـــــا
ومن قال عبدالله سكــــت من دونه


يحق لي فخــــري وانا بارجاهـــــا
واسم السعـــــــودي للأبد ما خونه
وانا وربعي كلنا نفــــــــــــــــــداها
اللابه اللي عهــــــــــــدهم يوفونه


سليل مجدي قـــــــام فوق ارباها
والمالكي يكفيه صـــــــــافي لونه
لا جاك يوصف طيبتــه واسماها
في هيبتن تعلى رفيع امتـــــــونه


المرجله حنا شـــــــرف معناها
ورماحها متزهبــــــــه مسنونه
تحت امر قايدها علــى مرماها
وبظل رايه للـــــــــولا مرهونه



​

 

[جريح الفؤاد]

طلاسم سحر ​

ألف .. با .. تا .. تعلمتك كبرت وصرت بك هيمان =وصفتك يا طلاســــــــم سحر تسكن دفترن وجدار
هدير المــــــــــوج ..لا أعنف جحيم وفوهة بركان = حمم متطـــــــايره فـ الأفق تحجب ضحكة الإسفار
صواريخ وشظايا حــــــــرب تقلق راحة الانسان =ذهول ازعج سكــون الليل ،حار ومن سكن به حار
سمو في ذات شاعر حب من كاس الهوى سكران =ولا به شين يهمـــــــــه ولا يدعـــــــــــوه للإنكار
حروفن صاخبه لاجت على لسان الذكي الفهمان =تصير اكبر حقيقه بـ ان دولاب الـــــــــزمن دوار
متى شاد البيوت العـــــــــــامرات وأسس البنيان =تحس انه رفيع الشان ، لا بل سيـــــــــــــد الأخيار
يـصير ابعين مرتاعه مخــــــــاوي زمرة الشيطان =وعين امن الرضا تدهش بصمت وتبـــدي استبشار
نسجت امن الحروف اخيوط ماهي مثل هالخيطان =وصرت العنكبوت ابمفردات النـــــــــثر والأشعار
أصيد وصيدتي لا مــــــن درت بي تفرد الجنحان = وتستسلم لمقسوم انكتـــــــــــــب جاها بدون انذار
سألت وما سألت افضل من احساس الفتى الرنان =متى تستعذب الكلمه معاني الشـــــــــاعر المنهار
ورد ان اصـــــــــــــدق الرؤيا لأهل البِروالإيمان =ولا هو مثل ما قالوا تجي بمصـــــــــاحب الفجار
وانا آقول ان قلبن ما يحــــــــب وما عزف بالحان =حرام انه يعيش ادوار تعلى عـــــــن حظيظ ادوار
خذتني مفرداتي لا جــــــــــــريح ولا بعد عشقان =وعشت اربو وهي تربو طمــوح ومنزله واصرار
ربيع العمر سوّا بي سوات المــــــــكرم الجوعان =كسبت اني خســـــــرت ومكسبي يبغى له استغفار
اشوف الناس تقـــــــــدح كوسها فاضي على مليان =وانا كاسي لنوماسي يشــــــــــير ويا فرح من شار
ونص الكاسه الفاضي على نص اكمـــل النقصان =يعادل محتوى بالجمــــــــع بعد الضرب والتكرار
مسائل في مســــــــــــائل في مسائل ما لها عنوان =مجرد ما تلـــــــــــوح ابدا واعيد واحصي الأفكار
ويا عالِم نتــائج مفــــــــــــــرداتي تجمعّ الأحزان = أو ان الــــــــــوقت ينهيها بسيفـــــــــه دامه البتار
وتصبح مستحـيلات الحلول بعالم الإذعان =ويصبح حرفي الملهــم يغردخارج الاسوار

 

[جريح الفؤاد]

صارحيني ​

صارحيني يالمـــلاك المستحــــــــيه =كثرة التلمـــــــــــــــيح ما تنفع معايا
ما فهمت القصـــــــد من هذي وذيه =كل مـ احسبها تجي عكـــس النوايا
والمحــــبه يا هنا روحي الشقيه = شي واضح ما تجــــــي فيه الرزايا
شي نستعــــــــذب عناه بروح حيه =وان ضحك تضحك معه كــل الزوايا
شوفي العشــــاق مـن بين البريه =عايشين احلام باســــــــرارن خفايا
وان شكوا تلقيــن شكواهم سجيه =ترتجي المحبوب بلبــــــاس الهدايا
ذا يبي محـــــــــــــبوبته ورده نديه =وذاك شايفهــــا قمــــر بين الصبايا
وذا يعاني الهجــــــر والفــرقا بليه =وذاك غيرتها معه سوت ســـــــوايا
اما انا يابنــــت لي نفســـــن ابيه = عقب فرقا صاحبي مالــــي حكايا
انتهت حلو القصــــــص بالــعامريه =مع بداية هم محــــمود المــــــزايا
وما بقى لي غير ذكراها الشجيه =تحتفي فيني وتمســــح لي بكايا
عامها العاشــــر حضر يسأل عليه =ما لقى غير الحـــــــزن غطا هوايا
قال ساعتها وهو في صــــدق نيه =قلبك المجـــــــــروح تفداه العطايا
واعتقد يابنـــــــــت حبك لي عطيه = جابها حظي مـ ابي تخــــرب معــــــــايا ​

​

 

[جريح الفؤاد]

البرد ​

[poem=font=",7,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الله اعلم بقلبــــــــــــــن يستلج ويثور=من سبايب غرامك وانت لاهي مريح
تعترف بي وتبطــــــــي ثم ترجع تزور =وبين هذي وهـــــذي ضاع قلبن جريح
يعرف البرد ناسن يحسبون الشهور=وانت بردك ذبحني كل ما قمت اطيح
كل ما جت علومــــــك ذاب فيها الفتور =وانت شايف علومي فوق حر الصفيح
ليه انا منك ميـــــــت وانت ميت شعور =ليه قلبي تعنى وانت قلبك شحـــــــيح
حاكني والتفت لي قــــول حتى الغرور =بس .. ريّح شعوري واقلـــــب البرد ريح
وانعش الروح تكفــــــى لا يجيها قصور =وان بدى شي قاصــــــر لا تهج وتصيح
كيف تزرع ضفاف القلـــــــب ورد وزهور =ثم ترسل صقيع البرد وانت الفصيح !!..[/poem]

​

 

[جريح الفؤاد]

مأساة المعلم ..​

الا يالله خفف من حمــــــــــولي = وروف ابحال عبدك في الشدايد
ليا صار العنا يسبـــــــــق نعولي = وصارت خطــوتي تطــوي البدايد
كسير الهــــم ضاقت بي حلولي = وما فادت معـــــــي كثر الشهايد
مدرس وين مـــــــــا لفيت حولي = مشوف الا غجـــر تلبس صمــايد
وجوهن شاحبه تســـــمع لقولي = ولابه من فهم ناقـــــــــــص وزايد
هدفها كيــــــــف تعرف ذا وذولي = ومنهي والـــــــــــــد ووين الولايد
سكنت البر من ســــاعة وصولي = وصار ابرفقتي ملــــــــــفي ونايد
عقب فرقى عيون اللي بكـــولي = وفرقى خالد ومـــــــــــــاجد ورايد
نفيت ابخيـــــــــمتن تجمع افولي = الا مـــــــــــــــن تاه فكري بالبعايد
ينام الضــــب يقرط في رجــولي = وانا سهران واشــــــكي للوسايد
على الضو نورنا عــرضي وطولي = وكل علـــــــــــــــوم ابو دانه نكايد
نسيت الزين لامنـــــــهم حكو لي = وبعض الناس تســــتنتـــــج فوايد
نسيت الحب يومــــــــه عقد لولي =على عنق المهــــــــا قبل الطرايد
نسيت الحاضــــــر وعدت لاصولي = قبل تسعين عام اهـــــــل العوايد
نسيت وياترى يصـــــدق فضولي = واشوف النوق مغســولة بتايد!!!!​

​

 

[جريح الفؤاد]

جيتي ..​

جيتي .. وليت المـــــوت جا قبل تلفين =كانت بقت حلــــــو الصور في عيوني
جيتي .. وجبــــــتي بعد جيتك جرحين =ما تنـــــــــــــدمل يا بنت لو عالجوني
شبغى بعمـــــري دون وصل المحبين =لا قل قدري عنــــــــــدهم وارخصوني
بعت القرايب لا جل عشــق البعيدين =واشوف حظــــــــي خانني واتركوني
يا كم نهيــــــــــــــت القلب مره وثنتين =ما طاعنـــــي فـ الحب واخلف ضنوني
كم ســـــــارت الخطوه خفا بين دربين = تضوي بها الهقـــــــــوه ميادين كوني
عالم مخيــــــــــف اتولعت فيه رجلين =شاعر تحـــــــــدى مسلكه لو نهوني
اسوق خطــــــواتي مع نبض عرقين = دفعاتهــــــــــــم للقلب تفتك ... بلوني
ما اشوف ما اسمع غير نشوة حبيبين = يلفهـــــــــم ثوب الهنا ... واقنعـــــوني
واليوم جيتـــــــــي كني ادري وتدرين = بـ انك ســــــــراب ووهم مهما تكوني
ما عاد لك غيـــــــــر الجفا كان ترضين =ما عاد لك غيــــــــر الرثا مع شجوني
يابنت روحــــــــــي ذاك درب المقفين =عيشي ابهــــــواك وكان ربي بعوني
هذا نصيبـــــــــي منك والعين بالعين =دفعه ردي ولت وانا في ســـــــكوني
ما اعتدت اهين النفس في قول تكفين = ما اقول لو حبك نهــــــــش في متوني
جرحــــــــن نذله قــــــبل يلفي وتلفين = وجرحن نمـــــــــوت بلوعته .. يا جنوني​

​

 

[جريح الفؤاد]

يا بنت ​

يا بنت لو ينطق معــــــي جوالك = كان انصهر من زود لاهـب ناري
وانا رجاي اسمع قليل اخبـــارك = لو كنت في دارك وانا فــي داري
رجلن ثلاثيني وابي مسيـــــــارك = بايت سبل لو كـان وصل اجباري
لاني بمستهــــبل ولا ابغى اذلالك = بس رغبتي يمك تــــزيد اخطاري
شاعر ومتعـلـــــــــم واروق بالك = وارضي غرورك بالسهر سماري
مربوع جسمي ضنتــــــي يحلالك = ومملوح شكلي يجبــــرك تختاري
مرباي في الطايـــف وحالي حالك = فاقد مشاعــــر حب رغم اصراي
ان كان لــــي خاطر خذي جوالك = دقـــــــــي علي دقه وطفي ناري ​

 

[جريح الفؤاد]

الساهي ..


أجي لك وانت تتجــــــــاهل مرادي = وإذا صديت عنك .. تقــــول ويــنك
ترى مليت انا كثر التمــــــــــــادي = ومل الصبر ما بينـــــــــــــي وبينك
تعال اجلس معـــــي واغنم سهادي = أو اختار الهجـــــــر والله يعـينـــــك
غصب .. ما ني بغاصبك ابعنـــــادي= ولا راح افتقد لمــست يديـــــــــــنك
انا ما قلت لك تجـــــــرح فـــــؤادي = وتتركني كــــــــــذا خــــــاين بعينك
وترجع لـــــي تقول انت اللي بادي = تبي عـــــــذري يواسي لك حنينك
انا قاسي نعم قاســــــــــي وعادي = ولا يمنعني احســــــاسي مـ اهينك
ولا ارضى ينحنـــي راسي واهادي = واعيش العـمـــــــر خاتم في يمينك
كثير اشيــــــــاء لو كانـــت مبادي = تهـــــون ولا يــــــــذلك من يعينك
هذا هرج الصحيح ومــــــــا ينادي = بغيره غير خلقـــــــــــــن كارهينك
تلاسنــــــهم بحكيــــك طير شادي = وهم يـــــا ويل حالي عـــــــارفينك
يجيني علمكم يقـــــــــدح زنــــادي = وانا كني ولكنــــــــــــــــــي غبينك
في وادي وانــــت يالساهي فوادي = ولا ادري هـــــو متى عـقلك يدينك
وترجع في ثقــــه تطلـــــب ودادي = تقول آمـــــــر ولا احنا مرخصينك
​

 

[جريح الفؤاد]

مكثرين الدعاوي

يامكثرين الدعاوي هرجكم ما يفيد = ان كان حرك سكون امضيعين السماع
الأمر لله وانا محسوب ضمن العبيد = ما تشتهي نفس مؤمن غطرسات وخداع
أديت فرضي وعشت ابصمت رجلن زهيد = اكتب همومي على بيض الصحف والرقاع
ان قلت شاعر فـ انا شاعر واحب القصيد = يجري بدمي الشعور ويرتكز فـ النخاع
أدنى قصيدي تجاوز نا طحات الوليد = ما هز من قيمته حاسد سكن وسط قاع
منظوم شعري تعدى فاق نجمن بعيد = وان قالها الله يزيد وما يمل ارتفاع
أرعى نجوم السما عن جوها لاتحيد = وارفع ستار الليالي والفضا فـ اتساع
لا تكثرون الحكي واللي نقوله نعيد = ان ما كفاكم وحوش الليل ماتت جياع
خلوا دروب الحسد ممشى بها ما يزيد = وامشوا بدرب المراجل ما يجيكم ضياع
الواهب الله يجود ويفتعل ما يريد = والخلق ترجي العطا لو هي بدار المتاع
هذا وانا ولد ابو فيصل ورايي سديد = من يطلب المجد تبدى خطوته من ذراع ​

 

[جريح الفؤاد]

بياض

جتني بياض وجيتها لحظـــــــــــــــة شفق = جتني ربيـــع وجيتها مثل المطــــــــــــــر
الجادل اللي نورهـــــــــــــــا مثل الفــــلق =المهره اللي شوفهـــــا يعمي البصـــــــــر
بعــد انتفاظة هم في صــــــــــدري خفـق =وارهاصـــة احساس التــأم بـ اجمل خبـر
ساعة لقـــــــا والشـــــوق في لعنـــة قلق =قبل العناق وقبــــل ما يـــبدا السمــــــــر
يا خـــوف حل وعــــود يا باقي الرمــق =واجمع لها حرفين فيها احــــــلا الصـور
كــــــا هي لفت واحجاجها كـــا هو نطق =رحب بطــــرف العين بادلهـــــــا النـظر
خذ كفها الرويـــــــــــان من كاس العشق =واعطف عليـــــه ابحب لا تبقـــــــي اثر
شف وجههـــــا الفتـــــــــــان كنه مختنق =تحت الغطا مذبوح فـ اشفافـــــــــــه قهر
ميت عطش ياهـيه في الدمعـــــــة غرق =قــــــم رو ينبـــوعة عسى يصحى الزهر
ذق طعــــم خوخ الطايف ابـروس الورق =محمر .. لا طــــــــاغي الحلا لو هو ثمر
لا ترحــــم الوجنـات وان ضــــاق الحدق =قل من طلبــــت امعـــــــانقه جاك وحضر
خذها على صـــــدرك دفا خــــــذها شبق =خذها ليانـــــــة عــــود ذا بالمختــــــصر
خذها مرايــــــــــــــة حسن ما بين الرتق =خذها شمـــــوخ النهـــد في مهد الصـــدر
خذ خصــــرها المنتــــوق خذها بـ الـرفق =هــــو مزهــــــــــــرية ترف قابل للكـسر
ضمه عـسى الضمـــــــــــة تطوّل للغسق =شـمه ترى الشمـــــــــــه مع انفاسه عطر
اغسل تباريـــــــــــــح الزمن دامه صدق =واكتب وصــية تحت شــــــــــلال الشعر
فوق التـــــــلال او تحــــت حبات الودق =بين الحـــدب بين المضمـــــــّر لا ضمر
بين الكفوف اللي تحـــــــــاصر بك عَنق =وقت احــــتراق الذات وانــــــذار الخطر
والجـــــو وردي والحمى حـــــــوله طلق =يا سعـــــد ابو حارس عزف لحـــن الوتر
جا يشهـــــد الموقف وهوخيــــــل السبق =لا طاب لي المـــــوقف تعـــزوا بي فخر
ياهيــــــه زهّــــب موترك قلبــي احترق = لحظة وداع وكــــــل ملمـــــــــوم انتشر
لحظة وداع وخـــــل عن خــــــل افترق =يالله عسى المقبـــــــــــــل تساهيل ومطر
​

 

[جريح الفؤاد]

مرتني الذكرى​

[poem=font=",7,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]

مرتني الذكرى وحطت بهوجاس = في ديرتن كم جيتها قبل عامين
كانت ملاذي واخر العهد مجلاس = ينحت همومي بين شارع وبيتين
الله كم كان الهوى يحضن انفاس = يحيي بها في عالم الحب قلبين
وقت التلاقي ما علينا من الناس = الشوق يامر والغلا حارس اثنين
تحلم وانا احلم نكسر الحظ والياس = وترسم قلوب الحب وتخط حرفين
كانت تعد الوقت وتقول لاباس = وتسابق الساعة مسا يوم الاثنين
يشهد لها الشباك عن وافر احساس = من كثر ما عانا وهي تسأله وين
ويشهد لها شاعر رفع دونها الراس = ما يوم غابت شمسها شيخة الزين
واليوم راحت غصب عن جو قرناس = بس حبها باقي له اعوام وسنين[/poem]

​

 

[جريح الفؤاد]

شاعر بني عبس

شاعر بني عبس مات وراحت اسنينه = ماعاد به غير شاعر حبك الضايع
ان جاز لك ماكتب والا تردينه = ماجملك غير شعر المغرم الصايع
ماتذكرينه وفي يومك تحبينه = وتغالطينه وهو يسأل من البايع
واليوم يوم ارتوى زندك تجافينه = حتى حروفه معك صابتك بالايع
ماهمك ان قال تكفي لاتناسينه = او قال احبك .. وجالك منكسر طايع
له رب يرعاه شاهد بينك وبينه = عالم بسرن خفى والسر له ذايع
انتي خسرتي وهو مستطلق ايدينه = يكتب عن احساس مرهف ناحل وجايع
يطلب من الله يذلك من تخاوينه = حتى ولو بان لك بالمغرم المايع
لاشك شمس الضحى تدفى بها الطينه = وان ظلم الليل تبكي جوها الرايع​

 

[جريح الفؤاد]

يا وطنا
صـــــــانك الله يـــــــا وطنا عن نوايا الحاسدين =واعتلى مجدك وهامـــــــت رايتك فوق السحاب
كم جرى حبك بدمي من شمـــــــــال ومن يمين =عشت من خيرك ولاجلك حبك الخــــافق وذاب
افتخر بـ اني سعودي والسعــــــــــودي ما يلين =دام حكامه اسود ومجدهم مـــــــــــــا له حجاب
يـ اطهر الدنيــــــــا فديتك من طغاة وعــــابثين =وعن دنس مــــن زال عقله من خنازير وكلاب
خمّنوا بـ ارهابـــــــــهم والزم من الشكل اليقين =من متى الغربال يحـــــجب نور شمسك للغياب
ما لهم فيك النصيب ودرعنـــــــــــا دوله ودين = صف واحد قلب واحد يحكمه سيـــــف وكتاب
من زمن والَعود فينا يجمعه معــــــــك الحنين = من زمن والطفل يطعم عشقك ابــزاد وشراب
يا وطن حنا رجـــــــــــــــالك كلنا لك طايعين = ولأمر من نادى لعزك ما نخــــــاف ولا نهاب
كلنا حـــــــــراس أمن وكلنـــــا سورا حصين = ما نريد الا الشهــــــــاده دونها ترخص رقاب
وتبّ من حـــــــــاول يذلك تب من كلتا اليدين = وانهزم ِخسه وذِلــــــــــه وانكسر حظه وخاب
والضلال اللي مشى به وانحرف له من سنين = ضيعه بـ اخر طريق وصارت احلامه سراب
ان توارى ما سلم .. يخـرج وهو نكس الجبين = وان ظهر مات وتشـــوه .. عافته حتى الثياب
ما جمع غير الرزايا مــــــــــن قتال الامنين = وما كسب غير الخذيله من هله قبل الصحاب
قالها الله في كتـــــابه مـن قتل مســـــلم لعين = وقالها نور الرســــــــاله كل شي وله حساب
والجزا جنس الفعايل عنــــــد رب العالمين = ناس في الجنه وناس اجزل لها سو العذاب
​

 

[جريح الفؤاد]

عروس المنتدى

ارحلي عبر الفجوج او سافرـي وسط البحور = وابعثي هــــزات قلبي لو على اطول مدى
ثبتي موجــــــا ت حبي بعد ترميز الشعور = كود يسمعها حبيبي وقــــــــت ما جوه هدى
يا شياطين القصيـــــد النور ما هو لي بنور = بعد ما حل الظـــــــــلام وعاث بي فـ المنتدى
الحبيب اللي عشقني منك وابدا لي الســـــــرور= واتصل فيني يقــــول انه تخاطفه الردى
بات حلمه علم عـــــــندي وصارت اخيامه قصور = والورود ابقولته فاحـــــت على ضمت ندى
ارتحل فجأة ولا له في سمـــــا الصفحة حضور = واتصاله من خبر يا هيـــــــــه عود مبتدا
خبريه اني على اطــــــلاله مع صبـــري الجسور = احتسي علقم غيابه وآتوجــــــس للصدى
خبريه ان الغياب اليـــــــــــوم خلا الارض بور = ما بها طرقي ولا طـــــاير على عوده شدى
خبريه ان الممات ارحم ولا هجــــر ونفـــــور = قولي اني ما قـــــــويت اسلاه لو حظـــي حدى
يمكن احساسي يقع لو كان بـ احساسي قصور= ويمكن اللهفه تجي به وان عــــدا به ما عداhttp://up.arjwan.com/​

 

[جريح الفؤاد]

الفارس
كم جاهلا ساير طريق السلامـــه = وكم من فهيم اخطاه ظنه حسابه
وذاك الجمل ما جابه الا خطامه = لولاه ضاعت مع سهوله هضابه
والفارس اللي ما تهنى مقامه = شد الرحال وما بقلبه حكى به
خط الطرق ابرغبته والتزامه =ما عاقه العايق بدربن مشى به
به من علوم المرجله والشهامه =ولامن هرج قالوا زعيم الخطابه
ياكم وجيــهــن ساترتها لثامه =يعرف مداها من جمال وكآبه
له قلب فاطن عزوته هي حزامه = ما ينثني والراس عالي مهابه
دامه من اهل الخير واهل الامامه =ربعـــــن لهم في كل مجلس مثابه
نفسه عزيــــزه والنباهه علامه =ما هي غرور ولا فلاسف كتابه​

 

[جريح الفؤاد]

جرة الذيب

عشقان والخطــــوه لها مع جـــــرة الذيب اطردي =تفهق قدم ساقي على ظلما الـــــدروب اسوقها
يرحل بدر ويحـــــــــل بدر ابعمـــــر ماضيه ايعدي =ما تاقف ارحولي ولابـــــه من يبـــــــــــل ارموقها
يالله وش باقي بعــــد من هم ليلي واسهــــدي =مليت والناس اتعـــــــــــدي متشبثـــــن بلحوقها
كلن حمل همه معــــه ما بين شـــــلات وحدي=وانا علـــــى ما قال قايل ضعـــــــت بين اطروقها
بس الوكاد اني طرقت ابواب مـــــــا ني بوحدي =تلعب بي الدنيا لعب ما بين فــــــــــك اشدوقها
مره تنزلني حـــــــــــــــدر والعين مرماها الجدي =واحيان تصعد بي سمـــــــــــــــا وتردني ببروقها
واحيان تخطفني غصب وتطــــــالب لتركي فدي =واحيان تنســـــــــاني جفا ما فكــــــرت بحقوقها
لكن لي رغبة رجــــــل ما يجهل الحـــــظ الردي =يا طا على غارب صعـــــــــاب يجرهــــــا بحلوقها
لا هــــــو بطبعن لي الخنوع ولا بعــد تقصر يدي =والشجرة اللي ما تفيـــــــــد اشتلها بعـــــروقها
واشبع غرور اجرامها في كاس يشرب من غدي =واقطف حــــــــــلا العناب لي كيفي وانا باذوقها
ما هو تسلي !! لا ولاكنــــــي كذا حرف ابجدي =يا صعب ترويضه على لسّـــــــن عجم منطوقها
احب والحب اجودي وموافقه شــــخص اجودي =واثباته انفاسن تصاعد مـــــــــــــــا قوتها رتوقها
ترجف كمـــــــا رجف المكــاين ما تحملها البدي =واهاتها المتلاحقــــــــــــــــه ضيّق بها صندوقها
لا حل طيف الـــزايره فضـــــــــــــاحة الخد الندي =في جوها الهـــايم بها يوم التقـــــــت معشوقها
حلت كما حـــل المزون يناوشــــــــه طق ابردي =تفرح بها قفــــــــــــرا الربوع اتضمـــها بشقوقها
ولسانها يلهج دعا يا غيوم زمــــــــي وارعـدي = ما عاد لي بكثـــر الدروب اللي تضــيم احروقـها
واقول يا نار اخمــــــــدي يـــا نار يا نار اخمـدي =اليوم عــــــــــــــــديها كذا وبــاكر لنا من فوقها
جــــــــرة قدم خاوت قــدم ذيبن ولا هو مهتدي = تفهق قدم ساقـــه على ظلمــا الدروب يسوقهاhttp://up.arjwan.com/​

 

[جريح الفؤاد]

غبت يومين
غبتِ يومين كنك غايبه ألف عام = آه يا قو قلبك فـ الجفا والهجير
الخطا منك كان او كان مني خصام = فـ النهايه يكون اللي نبيه ويصير
بس حسافه ظلام الليل اصلن ظلام = لو سكن وسط كبده بدره المستدير
كل ما جيت يمك سارحن بالغرام = ارجع احمل جروحن فوق جرحي الأخير
بلوتي معك قلبي ذاب حتى الهيام =دوم يدمح خطاك لأنه اصلن كبير
ولن من حب مثلي ما يعرف انتقام= يكتم اوجاع حبه سر وسط الضمير
ان نويتي فراقي بس كذا والسلام = رجعي قلبي اللي في يدينك اسير
رجعي كل لحظه عشتها في وئام = لنها ملك حبي لو مداها قصير
واجمعي ذكرياتي مع حلوم المنام = وادفنيها مع اخر حلم باقي صغير
وانسي اني عرفتك دون يكثر كلام =واتركي لي بقايا ذكرياتي واطير
الفضا متسع لي والقنص في زحام =والحباري صفوف اتخير ما تستخير
اكذب ان قلت احبك لا علي الحرام =وقتها كل حي ابأمر رشده بصير
​