جريح الفؤاد
فؤاد بن هليل المالكي
يمــــر الوقت في وجـــه الشحوب ابقاتم اشجانه
ويترك جّــــــرته لسنيــن ما تمحــــــي تجاعيده
تشاؤم في ملامــــح وجه كانت يـــــــوم رويانه
مغــــذّيها الحســـــن لا قيل .. حالي في عناقيده
سنين الآمهـــا باتت تصـــــــــارع روح هيمانه
مع آخر سالفــــــــــة ورده جلبها العيد في عيده
تهاوت فـــوق صفحة حــــب كانت يوم عشقانه
من اول كلمــــة العشـــــــاق لآخر بصْمته بيده
رفيق الليل لا غنى مخــــــــاوي الليل من شانه
قمر شباكي الناطــــــر .. بهاه .. وتاجـه وسيده
تذكرته وانــــا احمل وردته بكفـــــوف خجلانه
تعاتبــــني وانا المفجوع .. تفتق جــرح وتزيده
ثمان اسنــين يالظـــــالم .. شذاي معطّر ازمانه
ولاكـــنك جلست ايام تحكي لي مـــــــــواعيده
نسيــــت ايام بيت الطين .. مــجــلاسه وجدرانه
وصوت الساقيه تسقـي ضــماك ابصوت تغريده
نسيت البـــــرد لا ودّع حيــــاه وكشــــّر اسنانه
ومات المعطف الوردي ..على متنك طوى قيده
نسيــت الروج لا لوّن شــمــاغك بـ اروع الوانه
وريحة عطــره الزاكي ليـــــا ضمّتك من جيده
نسيت اصْوَرك .. والديــوان يوم.. اهداك قيفانه
وجيت اتْعَـــــدّل الأبيــات .. يعني لاجل تعويده
نسيت الكحل يومــــــه سال ما حست به اوجانه
وهو يعـــرف فــراق الحـــــيّ ما يقوى تراديده
كفى .. يا جرحــــــي النازف خفوقي هجّ بيبانه
ولا عدت احتــمـــــل بوحك وطيفن حقّ تخليده
معي في داخــل اشــــلائي هواه مثــبّت اركانه
واعيشـــــه كــل يوم ابيوم .. يبني الود ويشيده
يشيب الراس مهمــــا شاب ما تردعني احزانه
وانا لي قلـــب ينبـــــض حي لو يبست جلاميده
ولا غيره سكـــن فــيـــني ولو ناشتـــني اعيانه
وفَكَــــّر ينفـــــــرد فيــــني وجَمّع حِزْبه وكيده
أرق تحية للجميع .. جريح الفؤاد ( الطائف )
التعديل الأخير بواسطة المشرف: