سلام

[مجرد مشارك]

[formatting="border: 1px groove rgb(0, 0, 0); width: 91%; text-align: Center; color: Rgb(0, 0, 0); font-family: Tahoma; font-size: 15px; font-style: Italic; font-weight: Normal; background-color: Rgb(255, 255, 255);"]
سلام من راساً يعجعج بالافكار
واعلام مثل امهيلات المراسيل
اسوقها في قدر طولين الاعمار
مجمله في قدرهم بالتكاميل
اعلامنا ماهي طويله ولا اقصار
بالمختصر تافي شفوف الرجاجيل
ماني مكثر في تساريد الاعذار
وازيد وانقص في كثير التعاليل
غيابنا لو كان له مية معذار
ماله تباريراً ولا له مقابيل
لاكن بعض احيان للادمي اسرار
واشياء تجي مندون علم وتماهيل
وابن ادمي لاشك ماهو بمختار
احيان ما تمشي معه بالتماثيل
غير العشم في لابت السوق والدار
نرجي السموحه وانتم اهل التجاميل
[/formatting]

 

[طائر الأنس]

صح لسانك أخي الحبيب
وفالك الجميل

 

[أبو مهند]

الأخ العزيز مجرد مشارك
حياك الله وصح لسانك مدد بلا عدد على هذا الإبداع وتقبل تحياتي واعجابي​

 

[أسيرالشوق]

صح لسانك

قصيدة جزلة

 

[سعد بن سعيّد العمري]

صح لسانك والله يحييك تراحيب المطر

ولكم خالص الود والتقدير ودمتم بخير