عزة النفس

يوم جديد

Active Member
إنضم
29 أغسطس 2008
المشاركات
1,060
مستوى التفاعل
10
النقاط
38
الإقامة
الطائف
عزة النفس

لاصـار خلـك مستحـق المسـبـه
"سبه ترى العشاق غيـرك يسبـون

لاابوه لاابو الحب مـن قلـب سبـه
"لاابو الغرام اللي يحدك على الهون

يالعـن ابـو قلـب غشيـم يحـبـه
"ملعون والقلب اللي يغليه ملعـون

اقـول مـن هبـاك ياخبـل هـبّـه
"الدون مايسلك معاهم سوى الـدون

عـز الجفـا ولا هـوان المحـبـه
"ماخوذ من يصير على الذل مغبون

اظهر قواة البـأس والضعـف خبّـه
"ترى الضعيف ضعيف لاطعم لالون

الراس مااحـد يقطعـه غيـر ربـه
"اقول عز النفس مااقول لك هـون

خـلـه يـولـي لايـذلـك بحـبـه
"ابعد وتلقاهم علـى البعـد يدنـون

والا انت لـو ترقـد وبالعيـن شبّـه"
"ابرك من اللي يجرحونك ويسلـون

ياجاهـل افهـم خذمـن العلـم لبّـه
"اصبر وتنسى والعـذارى ينسّـون

الرجـل عقلـه دائمـا قبـل قلـبـه
"ماهو عمى بالقلب ومفتّـح عيـون

لاقدّمـوا حـبـه تقـدمـت حـبّـه
"وان وخّروا وخرت والعز مضمون

تـرى غـلا هالوقـت هبّـه وهبّـه
"اغنم هبوب الريح لاتقلـب سكـون

لاساعـدك حظـك تغانـم مهـبّـه
"لاترتهي يجيـك يـوم ويصـدّون

قبـل يذبّـك نـاب الأرداف ذبّــه
"ترى حلاة الرجل طاعن ومطعـون

كم عاشق خلّـوه مـن غيـر سبّـه
"يصفق بكف كف مايدري وشلـون

مالـه جـدى ياكـود دمـع يكـبّـه
"عليه سيف الهجروالصـد مسنـون

هذا مـن اول يـوم لـو دل دربــه
"ماكان في دنيا المجانيـن مجنـون

لكن تبـع قلبـه وقلبـه لعـب بـه
"واليوم يبغى عون ماحصّل العـون

روض فؤادك ياابن الأجـواد ربّـه
"البيض مايصلح لهن كود فرعـون

والا ضعيـف النفـس دايـم مسبّـه
"ودك مساكيـن البشـر مايحبـون
​
 

الامير

New Member
إنضم
4 ديسمبر 2008
المشاركات
23
مستوى التفاعل
0
النقاط
1
الإقامة
بجيلة ..
يعطيك ألف عافية على هذه الابيات...
تقبل مروري...
ودمت بود...
 
أعلى