نزف الحروف
Member
بسم:
السلام:
تغيب وينثني غصن الزمان الي سقته يديـك
ولا يرويه لو يسقيــه غيـــرك من شــرايينه
حبيبي والدروب الي تجيــبك كيـــف بتــوديك
بعيد(ن)عن عيوني واتـوجد وين هـو وينــه
رحلت وكل عرق(ن)في خفوقي صاح بيناديك
عقب فرقــاك ضيـع كـل شي حتى عناوينه
دموع العين تملا هالمحاجــر وان ذرفتــه ليـك
وانا ماكل شي(ن)بذرف الدمعه على شانه
صحيح اني تحديت البشر كله عشان ارضيك
ولكــن عــزتي ترفض جفــاه وزود هـجــرانــه
صحيح اني رهين الحب لكن انت وش يدريك
خذيت القلب من عندي ولاتدري عن طعونه
انا في كل ليله ساهر(ن)فكــري مــع طــاريك
احسه مرة(ن)جنبــي ومــره واقــف(ن)دونــه
كاني عايش الدنيا على الذكرى وفي ماضيك
وكــأن الكــون وقف ينتظــر لفتــه مـن عيـونـه
ياهيـــه ارحــم غــريــق(ن)فــالهــوا يــرجيـــك
تمــد يديــك وتشــده مثل طفــل(ن)يضمــونه
اخوكم
نزف الحروف
التعديل الأخير بواسطة المشرف: