عبدالرحمن بن حميدي
شــاعر
- إنضم
- 28 يناير 2011
- المشاركات
- 124
- مستوى التفاعل
- 3
- النقاط
- 18
هلوسة " مزكّم " .. استروا ما واجهتوا
[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
احساسنا يا صاحبي بالفرح غاب=وغابت معه يا صاحبي كل طيبه
ما عاد أشوف أحباب وأصحاب وأقراب=أقسم بربي جد هاذي مصيبه
تغيرت عاداتنا ويش الاسباب=يمكن ضروف الوقت صارت غريبه
صار القريب يسن لــ / اقرابه الناب=وما يكتفي من يمّهم بألف غيبه
يدس سمّه بالعسل والرجا خاب=ويصيبنا من موقفه كل ريبه
يحسدك في رزقك ويكثر لك عتاب=ما يدري ان الله مقرر نصيبه
يضحك بوجهك والحشا بيضة غراب=يعني عدوّه بس بصورة حبيبه
واذا جلس في مجلس (ن) قام يغتاب=وأول ما يبدأ غيبته في قريبه
يغمز وينّبز فـ / القرايب بـ / الالقاب=واذا نوى يخدمك ياخذ ضريبه
لا يستحي منهم ولا يحسب حساب=ولا يقدّر شاب أو دقن شيبه
يقلون ما مات بسمومه سوى الداب=وأنا اشوف الداب ودي اصيبه
الله يجازي من فتح للفتن باب=ما ينقفل دام النوايا مريبه
والله يعوّض بالقرايب والاصحاب=ادعي عسى رب السما يستجيبه
أنا مزكّم صابني شدّة أعصاب=وراسي مصدّع من فعايل عجيبه
إن كان عندك يا رفيقي " فلوتاب "=تكفى طلبتك يا رفيقي تجيبه
[/poem]
بقلمي .. عبدالرحمن بن أحمد المالكي