ابو صقر الحربي
شاعـــر
هذي القارعه مع الشاعر محمد رده
قلت:
الله ياحضٍ رمابي على منها الزمان
مثل عودٍ واصلٍ للقبر يبغى الحياه
كل يومٍ في حياته يمر بمنكديه
مالقي دربٍ يناسب له ويمضي منه
قال:
ياوجودي وجد غصنٍ شكى من هزمان
هزمان اهلك فروعه وزهره والحياه
وأنت ياضيم الزمن مابدور منك ديه
من عرف مكر الزمن مايسالم ظيمنه
قلت:
من علومٍ في ظميري سريت الدارجان
والخبر للمجتمع بين زود ومنقصاه
لين توضح فكرة اهل الطرب والمسرحيه
ثم نرمي سهم فالنحر ما يبرى منه
قال:
مافي الديره جنونٍ ولا ف الدار جان
واحدٍ هازل وواحد يهرج من قصاه
يكتب المرسام قبل الفجر والمسرحيه
والكتابه حجمها قدر مايبرى منه
قلت:
يامحمد بعض الأسواق مافيها ضمان
واللذي صاد الصقر مادري عنه اشتواه
كلنا في دين الأسلام يامحمد سويه
راح وقت اهل العصابات واهل الهيمنه
قال:
لو بلعت الصخر ماظن يلقى هاضمان
يتعب ابن آدم ويتلف بكبده واشتواه
واللذي في غدرة الليل سوا له سويه
ليت علمه ذاك يلهي منه يلهي منه
قلت:
يامحمد كان عندي كتابٍ من عمان
قلت عند الناس مثله وأثر ماحد قراه
وأثر كل الناس تشرد عنه ماله قريه
وأنا من بين الكتب كل يوم اقرا منه
قال:
كنت قبل كتابك اللي قريته منعمان
مادريت إن الغني لو قرا منه افقراه
لاتحسب إن الغنى مايعود فيقريه
والكتب من بعضها يرسل الفقرا منه
قلت:
وصفوني عن كريمٍ يجي بالمكرمان
قلت ماله وصف قلي ترى ماله شباه
يكرم الظيفان في كل يوم النارحيه
قلت هذا حاتم وقال لي اكرم منه
قال:
واديٍ نزرع به الرازقي والمكرمان
بعد غطاه الحيا وانحدربه واشتباه
نحصد الحبان والحب ما ونى رحيه
أعشقه لو ما يجي حب والا اكرم منه
الله ياحضٍ رمابي على منها الزمان
مثل عودٍ واصلٍ للقبر يبغى الحياه
كل يومٍ في حياته يمر بمنكديه
مالقي دربٍ يناسب له ويمضي منه
قال:
ياوجودي وجد غصنٍ شكى من هزمان
هزمان اهلك فروعه وزهره والحياه
وأنت ياضيم الزمن مابدور منك ديه
من عرف مكر الزمن مايسالم ظيمنه
قلت:
من علومٍ في ظميري سريت الدارجان
والخبر للمجتمع بين زود ومنقصاه
لين توضح فكرة اهل الطرب والمسرحيه
ثم نرمي سهم فالنحر ما يبرى منه
قال:
مافي الديره جنونٍ ولا ف الدار جان
واحدٍ هازل وواحد يهرج من قصاه
يكتب المرسام قبل الفجر والمسرحيه
والكتابه حجمها قدر مايبرى منه
قلت:
يامحمد بعض الأسواق مافيها ضمان
واللذي صاد الصقر مادري عنه اشتواه
كلنا في دين الأسلام يامحمد سويه
راح وقت اهل العصابات واهل الهيمنه
قال:
لو بلعت الصخر ماظن يلقى هاضمان
يتعب ابن آدم ويتلف بكبده واشتواه
واللذي في غدرة الليل سوا له سويه
ليت علمه ذاك يلهي منه يلهي منه
قلت:
يامحمد كان عندي كتابٍ من عمان
قلت عند الناس مثله وأثر ماحد قراه
وأثر كل الناس تشرد عنه ماله قريه
وأنا من بين الكتب كل يوم اقرا منه
قال:
كنت قبل كتابك اللي قريته منعمان
مادريت إن الغني لو قرا منه افقراه
لاتحسب إن الغنى مايعود فيقريه
والكتب من بعضها يرسل الفقرا منه
قلت:
وصفوني عن كريمٍ يجي بالمكرمان
قلت ماله وصف قلي ترى ماله شباه
يكرم الظيفان في كل يوم النارحيه
قلت هذا حاتم وقال لي اكرم منه
قال:
واديٍ نزرع به الرازقي والمكرمان
بعد غطاه الحيا وانحدربه واشتباه
نحصد الحبان والحب ما ونى رحيه
أعشقه لو ما يجي حب والا اكرم منه
