قصة مدينتين

إنضم
31 أكتوبر 2007
المشاركات
44
مستوى التفاعل
0
النقاط
6
الإقامة
الخرج
الموقع الالكتروني
www.sbanimalk.com
المراجل ساسها قوّ العزوم .. والمراجل مثل لمبات الظلام

:i5:
السلام عليكم ورحمة الله وبركاته ..
وياهلا ومرحبا
004.gif


هذي سالفه سمعتها في شريط كاسيت مع ابوي اسمه " مقاصير " يروي القصص محمد الفريح
وهالشريط فيه قصص وش زينها وجازت لي وقلت ابسولف بوحدة منها عليكم ..
038.gif




يقولكم هذ حرمة شمريه اسمها الفهديه ويقالها " ام شيحان " ساكنه في منطقه
اسمها جبّه حول حايل .. ولايخفى عليكم اهل حايل مشهورين بالكرم والجود والسناعه
الوكاد ان خويتنا ام شيحان كانت طالعه تبي تروح لمكان معروف انه مخصص لنقل الركاب والعفوش وغيره ..
معها تنكة تمر وتبي ترسلها مع احد الموجودين لولدها شيحان اللي ساكن بالكويت ..
لقت كل السيارات رايحه مبطي ولاعاد هم رايحين الا بعد فتره مهيب قصيره ..
رجعت ضايق صديرها ومتنكده وليدها وضناها تبي تعطيه هالتميرات ولاحصل لها
frown.gif
..
المهم وهي راجعه ويقابلها في الطريق احد اصحاب الونيتات يقاله سعود بن صالح الصعيدي " ابوصالح "
وهو من اهل حايل ومعروف بالفزعه وحب الخير للناس .. شاف تنكة التمر على راسها قال ياام شيحان ووش عندتس ووش هاللي معتس !
قالت هذي تميرات كنت ابي ارسلها لولدي في الكويت يفطر عليها في رمضان لكن السيارات كلهن فاتتني
وعساني الحق على هالسيارات مرةٍ ثانيه قبل يدخل رمضان ..
سمع ابو صالح كلامها وحس انها متضايقه ومتنكده .. هزته النخوه والرجوله وقالها نزلي التنكه
في صحن الونيت .. انبسطت الحريمه وعوّدت لبيتها وهي مرتاحة البال
خوينا ابو صالح راح علطول للكويت وقطع مسافه مهيب سهله بسيارته حول الالف وخمسمية كيلو
عشان يوصل التمر لولد العجيز
004.gif
..
وصّل التمر لشيحان وشيحان ارسل مع ابوصالح مظروف لامه ومعة كسوة العيد
عوّد ابو صالح لجبّه من اليوم التالي وماجا الليل الا وهو يطق الباب على ام شيحان موصل لها
مظروف ولدها والهديه اللي معه .. ماصدقت العجيز وطارت من الفرحه يوم انها اطمئنت ودرت ان التمر
وصل لوليدها بهالسرعه .. وقالت هالابيات في ابو صالح وهو يستاهل
rose.gif
..




ابو صالح كاسب(ن) كل السلوم
طيب قلب وخف نفس واحترام
ابو صالح ماينبه بمعلوم
ياخذ المفتاح يركب به شمام
ابو صالح منوة اللي له لزوم
منوة المقصر ومنوة من يضام
مايطير الحرّ من عش الرخوم
والحدى ياما تساوى بالقطام
ابو صالح ماكر مابه ثلوم
حافظينه من خوال ومن عمام
اجعلك تلحق هواها كل يوم
وياجعل عمرك جديد كل عام
فكك الله من الحوادث والصدوم
وفكك الله من خرابه والعدام
المراجل ساسها قوّ العزوم
والمراجل مثل لمبات الظلام
والرجل ماينومسه زين الهدوم
ماينومسه كود فعله ياسلام



ونشوفكم ان شاءالله في سالفة اخرى
تمسوا على خير
rose.gif
..​
 
التعديل الأخير:

الترحال

Active Member
إنضم
22 أكتوبر 2007
المشاركات
1,074
مستوى التفاعل
21
النقاط
38
الإقامة
الرياض-الشرقية
والرجل ماينومسه زين الهدوم
ماينومسه كود فعله ياسلام


يا سلام عليك

شكرا لك ونتنظر جديدك
 

رعدالحجاز

حــــائك الحــــــرف
إنضم
10 ديسمبر 2007
المشاركات
3,385
مستوى التفاعل
64
النقاط
48
الإقامة
جده
الله الله عليك ياولد الديره اش السوالف الحلوه والقصايد شكلك حق مقناص وصيد الله يعطيك العاقيه

نكفي عجل بالسالفه الثانيه ننتظر لا تتاخر

تقبل مروري
 
أعلى