قصه وقصيده "

إنضم
26 يناير 2009
المشاركات
223
مستوى التفاعل
4
النقاط
18
قصه وقصيده​


قصه هذه ألقصيده بقولها لكم بالحرف الواحد بس عاد شوفوا والله إني انحرجت إحراج من هذا الموقف مايعلمه الى الله " السالفة إني ليله من الليالي وأنا في جده رحت لسوق في شمال جده ويوم إني دخلت دق علي واحد من اخويااي وكان قريب مني وقالي انتظرني ابغاك المهم جلست في كراسي استراحة داخل السوق وشويه جت بنت ومعاها حرمه ثانيه الظاهر إنها أمها جلسوا على كراسي مقابله لي المهم جلسوا ممكن خمس دقايق وقاموا يبون يمشون ويوم قامت البنت طاح منها جوال على الكرسي وهي ما انتبهت المهم قمت أنا وأخذت الجوال ولحقت على البنت وقمت ازهم عليها وأصيح بس هي كانت تمشي وهي مستعجلة المهم في الأخير ناضرت فيه وطاحت فيه كلام سب وشتم وتقول انت ما عندك أهل على بالها أنا اغازلها وابغى ارقمها المهم ابغى افهمها الموضوع هي ما أعطتني فرصه والتموا علينا الناس يفكرون فيه مشكله المهم انا اوريها الجوال وهي تفكر اني اوريها رقمي في الاخير انتبهت لجوال ووقفت شتم واندهشت شوي وندمت على الكلام الي قالته وانا قاعد اضحك من كلامها المهم اعتذرت لي وانحرجت وصادف إن المطوع حق الهيئه كان في نفس السوق هو والعسكري الي معاه المهم جاء زعلان ويتوعد على باله انا اغازل البنت وشاف العالم ملتمين المهم استفزني يقول الي زيك علاجه عندنا ألمشكله قبل ما يعرف السالفه وش هي المهم قالتله البنت على الموضوع واعتذر مني ومشيت وانا اضحك وفي نفس الوقت محرج من السالفه وكتبت ابيات بسيطه وانشالله تعجبكم :​




يابنت يالي راح ضنك بي عن الواقع بعيد * تركدي بي وافهمي قصدي وربي يحلها​


من قبل تقلين الكلام الي على اذاني جديد * مثلك حشى ما هو من احلامآ ابي اوصلها​


مير استريحي واذكري الرحمن وشوفي ويش اريد * لميتي الشارع علينا والمدينه كلها​


السالفه جوالك الوردي سقط فوق الحديد * وانتي قضحتينا وربي بالنوايا اعلم بها​


ولا دريت إلا المطوع جاي كنه كبش عيد * من غير ما يفهم وش الموضوع قام يشبها​


قال انت لك عندي علاج وحكمك ألليله شديد * قلت الله الله هذا انا والبنت وش عندك لها​


ذكرتني بالزير سالم يوم خانوه العبيد * مير افهم الموضوع منها والمهايط خلها​


ردت عليه البنت قالت اصبر اصبر لا تزيد * انا فهمته بالغلط وآسف على إلي قلتها​


قلت ايه ما يخالف وانا في داخلي مثل الوقيد * مقهور من ذاك الكلام الي سمعته منها​


واقول في نفسي يابو الفزعات خل اليوم عيد * تكبر وتآكل غيرها والناس لا تدري بها "​
 

ابوعزوز

مشرف سابق
إنضم
23 يوليو 2009
المشاركات
1,882
مستوى التفاعل
21
النقاط
38
هههههههههه
والله موقف محرج اتوقع انه يقول في نفسه لوني ماخذ الجوال كان احسلي واحسلها من الفضايح
مشكور على القصه وبنتظار جديدك
 

صقر تهامة

مراقب منتديات بني مالك
إنضم
11 مايو 2007
المشاركات
14,149
مستوى التفاعل
173
النقاط
63
الإقامة
الجنوب
الموقع الالكتروني
www.banimalk.net
موقف محرج ولكن عبرت بالمستطاع وماقصرت واحب انبهك الى القوافي مادام بديت بقافية (لها) فحبذا لو تواصل عليها.. وفقك الله
 

أبو مهند

مراقب المنتديات الشعرية
إنضم
12 أغسطس 2007
المشاركات
10,218
مستوى التفاعل
116
النقاط
63
الإقامة
الـسـعــوديــة
[align=center][tabletext="width:70%;"][cell="filter:;"][align=center]
قصه جميله وتصرف نبيل وقصيدة رائعة جميله من شاعر مبدع

الذيب صح لسانك وبيض الله وجهك وفي انتظار جديدك
[/align]
[/cell][/tabletext][/align]
 

عبدالله بن سعيد الجهلاني

~ شاعــــر وناقد ~
إنضم
24 أغسطس 2009
المشاركات
711
مستوى التفاعل
29
النقاط
28
العمر
53
الإقامة
جدة
الموقع الالكتروني
www.m-al7rf.com
رائع ..ذكرتني ببيت لجويعد البقار الله يرحمه يقول:
أنا وش حدّني بين العرب عنّيت رجليّه***ولو ساجت وماجت قالوا البقّار راعيها.
شكرا على هذا الطرح الجميل.
 
إنضم
26 يناير 2009
المشاركات
223
مستوى التفاعل
4
النقاط
18
اشكر الجميع على المرور المشرف والنقد الرائع ولكم تحياتي "

والعذر منكم على التاخير في الرد "
 

غرك زمانك

Well-Known Member
إنضم
14 يونيو 2009
المشاركات
6,029
مستوى التفاعل
43
النقاط
48
الإقامة
آٌرَضٌ الحْرٍميِن ..~
الذيب

بسم الله الرحمن الرحيم

شكرا على المشاركه الجميله وماتقصر يعطيك الف عافيه
وانتضار جديدك وابداعك يامبدع
تقبل تحياتي

فهد حامد الرباحي
سي يو
 
إنضم
26 يناير 2009
المشاركات
223
مستوى التفاعل
4
النقاط
18
شكرآ

فهد حامد الرباحي

على المرور المشررررف تحياتي "
 
أعلى