المـآسه
مشرفة سابقة
قمت افكر في السنين الماضيـه .. يوم مجلسنا فراشه من حصيـر
ما اشتكينا حر شمـس ٍ لاضيـه .. وما شكينا ضيقة البيت الصغيـر
نجتمع في العصر با نّفس راضيه .. فسحت الانفس مع دله عُصَيـر
كل ما قلـت السوالـف قاضيـه .. جالها واحد من الجلسـه يديـر
ويوم كل ٍ بالسوالـف خاضيـه .. والعصر يمضي بنا وقته قصيـر
قال ابوي امست بلادي حاضيـه .. لاح براق الحيـا واقبـل بخيـر
الهجو بالذكر فـي الأ لفاضيـه .. لا اله الا انت يا الحـي القديـر
وانحن اذا الجو صدره هاضيـه .. وامتلا صدره من الرعّـد زفيـر
والسما شعت بـروق ٍ ناضيـه .. والرياح الممطره جت بالصريـر
نهترب وسط البيـوت الفاضيـه .. لااثاث في البيـوت ولا حريـر
ما سكنا في القصـور الواضيـه .. يكفي الفانوس في الليل الضرير
نهتـرب والرعـد بالمركاضيـه .. في السما والبرق للحجره ينيـر
والعيون من الصواعق غاضيـه .. والصواعق قصفها قصف ٍ مثير
ساقت القدره غيـوم ٍ .. باكيـه .. وانهمر مزن ٍعلى الديره غزيـر
قوّتـه منهـا المبانـي شاكيـه .. هكذا صوت المطر لذني يشيـر
والبلد يحضى بمطـره واكيـه .. والمطر نعمه وخيـر الله وفيـر
خفت من بيت ٍ جـدوره راكيـه .. في زمان ٍ ما حد يعيـب الفقيـر
كنت اناظر له وعينـي راجيــه .. وكل من حولي عيونه تستديـر
صاح ابوي الباب حوله سافيـه .. سكّر الفتحات والمـاء لا يحيـر
قلت حاضر والثقـوب الخافيـه .. خل واحد عندها مثـل الخفيـر
قال سقف البيت طينـه ظافيـه .. قد لنا عامين ما شفنـا خريـر
قالـت الجــــدّه بنيـه صافـيـه .. امرنا للواحد الحي الخبير
رحمته من قبـل بطشـه وافيـه .. والذي يوثق بربـه مـا يضيـر
ضوحنا فانـوس نـاره هافيـه .. ينطفي من نسمة الطفل الغريـر
المهم انـا بحـــــالـه .. طاريـه .. لين يصحى النو والعجمى تسير
لين نخرج بعد صحـو الرافيـه .. والطبيعـه كـل مافيهـا نظيـر
نحتري سيـل الجبـال العاليـه .. سيلها بعد المطر سيـل ٍ خطيـر
السواقي والعقـوم .. الواقيـه .. شلها والشبك راح مـع الزبيـر
والشباب اللـي تفـرج ساليـه .. كل ما يكبـر تزايـد بالصفير
والجداول في البـراري جاريـه .. بعضها في الشْعب كوّن له غدير
نبتهج والارض خضراء راويـه .. من يشاهد سحرها يبقى اسيـر
م/نـ
التعديل الأخير: