مقهور

[بعيد المدى]

مقهــــــور​

بتقول لي مقهور.. إي والله مقهـــور​

مقهور من ناسٍ ســـوات الرخومـــه​

شخصٍ على ماقيل.. صورة وديكور​

في شكله ولونه وباقــــي علومـــــه​

إن جيت صوبه في لزومٍ وفي شور​

تلقى سلوم الناس ماهي سلومـــــه​

هذاك لاطيّب ولاهو بماجــــــــــــور​

ولا معه وجه(ن) ولحيه حشومـــه​

جعل البعيد النذل مايبصر النــــــور​

ويحده الله لين تذبل عزومــــــــــه​

والادمي لاحدّه الله على الجــــــور​

إما هلك ... وإلا نفر من هـدومـــه



بقلـــ عندي كل الخبرـــــــــم​

 

[ابوسعد العبدلي]

الخير كله عندك يالغالي..بيّض الله وجهك

صح لسانك على هذه القصيده الجميله
اللتي تحمل بين طياتها اسمى معاني
الحكمه ونبذ الرذيله والتحلي بالصفات
الحميده...

اكيد يالغالي ان الأنسان يموت احياً قهر
على مايشاهد او يحس اويلتمس
من اشياء تبدو ليست من شيمنا ولا من قيمنا

تقديري وإحترامي...​

 

[صقر تهامة]

يعين الله يالنشمي وانت عندك كل الخبر ومايحتاج اشرح لك
صح لسانك

 

[عبدالعزيزالساعدي]

ياسلام على هذه القصيده الجميله ولايحتاج تعليق اكثر لإن اسمك يكفي ... دمت سالما غانما ..

 

[$سيف العز$]

قصيدة جميلة ورائعة صح لسانك اخي وعساك على القوة دائمأ
اقبل مروري

 

[*أبو عبدالله*]

صح لسانك ومشكوووووووووووووووووووووور اخوي وجزاك الله ولي رجعه ان شاء الله

 

[الزمن القادم]

إن جيت صوبه في لزومٍ وفي شور

تلقى سلوم الناس ماهي سلومـــــه

هذاك لاطيّب ولاهو بماجــــــــــــور

ولا معه وجه(ن) ولحيه حشومـــه

جعل البعيد النذل مايبصر النــــــور

ويحده الله لين تذبل عزومــــــــــه

لا أقول يا أبو الخبر

إلاَّ صح لسانك على هذه الكلمات المدويه

وننتظر جديدك

أخوك

((( الزمن القادم )))

​