سلطان السعد
شاعــــــر
[frame="6 80"]نجد العذية[/frame]
[poem=font="simplified arabic,6,black,bold,normal" bkcolor="transparent" bkimage="backgrounds/11.gif" border="double,4,black" type=2 line=0 align=center use=ex num="0,black""]
سـلام يانجـد العذيـة ملاييـن = سلام تسليـم الوفـاء والمحبـة
نجيب الى منـا سمعنـا مناديـن = في منزلٍ يعتز مـن ينتسـب بـه
ياهاجسي في مثل هالليل لاويـن = جمّـل وجملنـي وللشعـر طبـه
اهل الجمايل منبر الزيـن للزيـن = فـي موقـفٍ ياهاجسـي لاتكبـه
واهل الردى في منبر الشين للشين = في حلـةٍ نـار الكـرم ماتشبـه
نار الكرم لاهل الكرم شبه ناريـن = امداح نجد اللي جهل نجـد نبـه
نجد العريضة شوفها يآنس العين = اللي كرمهم فاللقاء معتـرف بـه
عنوانهم واضح جلـي بالعناويـن = مهما حصل جود العرب مانخبـه
ليا وردت النهل والنهل من عيـن = عذبٍ محلى منهلـه مـن يطبـه
واليا وردت البحر لاتحسبه هيـن = غزارتـه لؤلـؤ ومرجـان غبـه
نستثمر الاشعار قدر اهل نجديـن = اللـي كماكـم لا حشـا مانسبـه
يبقى الوفاء والصدق مابيننا بيـن = واللـي تجلى قولـو الله ربــه
[/poem]