وحدة وطن

سلطان السعد

شاعــــــر
إنضم
7 يوليو 2007
المشاركات
1,892
مستوى التفاعل
52
النقاط
48
الإقامة
Jeddah
وحدة وطن

247173_208661932507452_100000909400036_547024_3227183_n.jpg



لاحت بروق الشعر والرعاد يرزم في سماه
والغيم هلت وبلها واخذت عذب اجزالها


ورسمت قاف الشعر في دارآ ربينا في هواه
دار السعود ارض السعادة لا رحم عذالها


الساس والنوماس والتاريخ حنا من بناه
هام السحايب والنوايف غيرنا ماطالها


الصف واحد كالجسد والروح ماتسوى بلاه
والدم بالشريان مثل ابلادنا بابطالها


اللي يشيع التفرقه بارض الوطن حصل عماه
يوم ( ١١ ) مارس عميناهم وصار ادوى لها


اللي يطارد في سراب الارض يتعب من ضماه
واللي يبثون الفتن حنا نهد اقوالها


في ظل ابو متعب امن وامان عشنا في حماه
تبقى ويفنى الخصم ياشجرة تظل اظلالها


سنة وشيعه مانطيع اهل العقول المنقصاه
ياموطني وش هيبة اليمنى بغير شمالها


من حط دولتنا هدف مقصود يفنى مارماه
وقت المعارك نردع السيه بعشر امثالها


لا هبت الفتنة هبوب الحرب صدينا الغواه
حتى تحث العاصفة للمعتدي برمالها


حنا بحور بعمقها والبحر عمقه وش مداه
بحر الشجاعة والولاء وبحور ويش اهوالها


من حث ساقه للخطاء والشر يفشل في خطاه
يعثر وتعثر خطته ويخيب شر اعمالها


قلبآ تعلق بالفتن تصلاه ناره وآعناه
ماكل من بيت بنيه في زمانه نالها


ارض الوطن بارقابنا وارواحنا حنا فداه
اعشق ترابه عد مالغيمة همل همالها


حكم الشريعة نهجنا نتبع ونستضوي سناه
شمس الشريعة مشرقه والله يديم اطلالها


سلطان المالكي


​
 
التعديل الأخير:

أبو مهند

مراقب المنتديات الشعرية
إنضم
12 أغسطس 2007
المشاركات
10,218
مستوى التفاعل
116
النقاط
63
الإقامة
الـسـعــوديــة
الشاعر القدير : سلطان السعد
قصيدة جزلة من راس جزل والوطن يستهال
صح لسانك وبيض الله وجهك وبشوق الى جديدك
 
أعلى