ياسر ساعد المالكي
~ شــاعــر ~
- إنضم
- 8 يونيو 2009
- المشاركات
- 1,331
- مستوى التفاعل
- 19
- النقاط
- 38
بسم:
السلام:
((يامن يبي له))
يامن يبــي له صـاحبٍ مـايخـاصمه
صاحب صحيبه مايخاصمه لـوغاب
ان غاب عنــه وراح له من تكــرمه
يلقــاه مايشــره ولاحــوله اعـــــتاب
وفــي وافــي مـن يجيـــله يقاســــمه
وقتــه وهــوللــوقت ماهو بحســاب
مادام عينــك معجــبه بـه تكـلــــــمه
يبقــى وكنه يبادل العين الاعجـــاب
خــوي دربٍ جعــل ربــي يسلـــــمه
يخاويك مايشكي ولوعشتو اغراب
وان جيت تالـــي الليــل ودك تنادمه
يسمــر معك هيمان مايغمض اهداب
صديق صادق من يصـــادقه واسمه
بصــدق لانه ياعـــرب غـــير كذاب
من جاه له حاجـه في حاجته يخدمـه
ماخاب من جــاله ابــد دوم ماخــاب
ومن رافقه جاهـل علومـه يفهـــمــه
ويرقى معه بالمعرفـه راس مرقــاب
وتلـــقاه دايــم فــي المجالس يقدمـــه
بوثق علــوم موثقــه مثل الاطنــــاب
ولاجاء جدال وكان موجود يحسمــه
بالحق يفصـــل بين طالب وطـــلاب
وانامجــرب خــوته ليت مااعدمـــه
بينــي وبينــه مثل مابين الاصحــاب
واللــي يبـــي اخـوته ادله واعلمـــه
وانصحه دام انه عرف كل الاسباب
وانصحه دام انه عرف كل الاسباب
ذاك الكتاب اللي له القاف راسمـــه
اقولــه اواعيـدها اسمـــه كتـــــاب
اغنــم زمـانك مــع اخــوته اغنمـه
ياسامعي ان كنت من اهـل الالباب
وياسامعــي اسمحلـي القاف بختمـه
بصلاة ربـي عالنبــي خير الاحباب
وسلامتكم.......
((اتمنى ان تحوز على رضاكم وترتقي لذائقتكم))
اخوكم// ابوساعد
اخوكم// ابوساعد