يا صاحبي

إنضم
10 يوليو 2012
المشاركات
118
مستوى التفاعل
0
النقاط
16



يا صاحبي جنب عن القيل والقال
الفطن يعرف صاحبه من غريمه

حنا لنا صدور المجالس بالافعال
ولا سماء الاقوال من دون قيمه

نشوم عزه عن دنا فعل الانذال
فطره لنا نبذ الردى والجريمه

نفقر من كنوز الدراهم والاموال
ونغنى الوفا : عز وكرامه وشيمه

تجري بدم عروقنا طيبة الفأل
نبع النوايا الطيبات السليمه

كلمة نعم تاج(ن) على روس الأبطال
أهل السطى وأهل الصفات الكريمه

عنز علي اللي لرتكى للحمل شال
هذاك في شرع الرفاقه غنيمه

بحر(ن) عطى سيل على النايبه سال
الجود ظله والعلاقة حميمه

وهذي الليالي السود والحظ لا مال
تثنيك وسلاحك ثبات وعزيمه

تجيب لك شي(ن) على البال ما جال
وتهز رشد أهل العقول الحكيمه

والصبر زاد(ن) لو على المر ون طال
والصابرين أهل العزم والعزيمه


​
 

أسيرالشوق

المراقب العام
إنضم
18 أكتوبر 2007
المشاركات
55,127
مستوى التفاعل
51
النقاط
48
ما شاء الله

قصيدة أكثر من رائعة

صح لسانك وبيض الله وجهك
 

الذويبي

مراقب منتديات تطوير الذات
إنضم
6 سبتمبر 2009
المشاركات
10,651
مستوى التفاعل
42
النقاط
48
صح لسانك لاعدمناك
 

أبو مهند

مراقب المنتديات الشعرية
إنضم
12 أغسطس 2007
المشاركات
10,218
مستوى التفاعل
116
النقاط
63
الإقامة
الـسـعــوديــة
الله الله على هذا الابداع
صح لسانك اخوي نايف وبيض وجهك على هذا الابداع والجزاله يا علم
 
أعلى